ئەمڕۆ ئەنجومەنی وەزیرانی عیراق بڕیار لەسەر مووچە و هەناردەکردنەوەی نەوت دەدات

 
بڕیارە ئەمڕۆ لە کۆبوونەوەی ئەنجومەنی وەزیرانی عێراقدا بڕیار لەسەر ناردنی مووچەی مانگی پێنج و دەستپێکردنەوەی هەناردەی نەوت بدرێت.
بەگوێرەی زانیارییەکان، لە کۆبوونەوەکانی دوێنێ وەفدی هەولێر لەگەڵ ئەنجومەنی ئابووری و کۆمپانیای سۆمۆدا کۆنووسی هەناردەکردنەوەی نەوتی هەرێمی کوردستان ئامادەکراوە و ئەمڕۆ دەبرێتە کۆبوونەوەی ئەنجومەنی وەزیران و دەنگی لەسەر دەدرێت.
بەوتەی سەرچاوەیەک لە کۆمپانیای سۆمۆوە، لەگەڵ پەسەندکردنی کۆنووسەکەدا، دوای چەند رۆژێک دەست بە هەناردەکردنەوەی نەوتی هەرێمی کوردستان دەکرێت لەڕێی بەندەری جەیهانەوە و بڕیاریش لە ناردنی مووچەیەک بۆ هەرێمی کوردستان دەدرێت.