بازرگانێک و چوار بەکارهێنەری ماددەی هۆشبەر دەستگیرکران

هێزەکانى بەڕێوەبەرایەتی ئاسایشی ڕۆژئاوای سلێمانی لەپێناو بنبڕکردنی ماددەی هۆشبەرو کۆمەڵگەیەکی تەندروستدا ، لەماوەی دوومانگدا پێنج کەسیان دەستگیرکردوه‌

 یەکێک لەتۆمەتبارەکان بازرگانە و دانیشتوی قەزای چەمچەماڵه‌ له‌ ناحیەی شۆڕش

 چوار کەسەکەی دیکەش بەکارهێنەرن و سیانیان دانیشتوی قەزای چەمچەماڵن و ئەوی دیکەش دانیشتوی ناحیەی قادرکەرەمە 

سەبارەت بەوماددانەی بەکاریان هێناوە لەجۆری (کریستاڵ - حەشیش - حەبی)هۆشبەرن 

تۆمەتبارەکان پەڕاوی لێکۆڵینەوەیان بۆکراوەتەوە بەفەرمانی دادوەری دادگەی لێکۆڵینەوەی چەمچەماڵ بەپێی ماددەکانی (۲٦ و ٣٠) لەیاسایی بەرەنگاربوونەوەی ماددە هۆشبەرو کارتێکارە عەقڵیەکان لەهەرێمی کوردستان ژمارە ( ١ ) ساڵی ٢٠٢٠ ڕاگیراون