رۆژنامەی وۆڵ ستریت جۆرناڵ: ئەمەریکا بڕیاری سەپاندنی هەموو سزایەکی نوێی بەسەر ئێراندا راگرتووە

 
رۆژنامەیەکی ئەمەریکایی ئاشکرایکردوە، کۆشکی سپی رێنمایی ئاڕاستەی وەزارەتی دەرەوە و گەنجینەی ئەمەریکا کردوە بۆ راگرتنی سەپاندنی سزای نوێ بەسەر تاراندا.
ڕۆژنامەی وۆڵ ستریت جۆرناڵـی ئەمەریکایی، ئاشکرای کرد، کارۆلین لیڤیت وتەبێژی کۆشکی سپی ڕێنمایی ئاڕاستەی وەزارەتی دەرەوە و گەنجینەی ئەمریکای کردووە، بۆ ڕاگرتنی سەپاندنی هەر سزایەکی نوێ بەسەر ئێراندا.
ڕۆژنامەکە بە پشتبەستن بە سەرچاوەیەکانی بڵاویکردەوە، سزاکانی ئەمەریکا بەسەر فرۆشتنی نەوتی ئێراندا وەک خۆی دەمێنێتەوە.
ئاماژەی بەوەشکردوە، کۆشکی سپی هەواڵی راگرتنی سزای نوێی بەسەر تاراندا رەتنەکردوەتەوە و دەڵێت: هەر بڕیارێکی نوێ سەبارەت بە سزاکان لەلایەن کۆشکی سپی یان دەزگا پەیوەندیدارەکانی ناو ئیدارەی وڵاتەکەیەوە ڕادەگەیەنرێت.
بەگوێرەی ڕاپۆرتی ڕۆژنامە ئەمریکاییەکە، ئێران دانوستانە ئەتۆمییەکانی لەگەڵ واشنتۆن بۆ کڕینی کات و کەمکردنەوەی دۆخەکە دەقۆزێتەوە، تەنانەت لە کاتێکدا کە مەرجەکانی ئەمەریکا رەتدەکاتەوە.
دوو ڕاپۆرتی نوێی ئاژانسی نێودەوڵەتی وزەی ئەتۆمی دەریدەخەن، ئێران فشاردەکات بۆ بەرهەمهێنانی یۆرانیۆمی زۆر پیتێنراو.
دوێنێش، عەباس عراقچی وەزیری دەرەوەی ئێران بە تەلەفۆن لەگەڵ رافایل گرۆسی بەرپرسی گشتی ئاژانسی وزەی ئەتۆم قسەی کردووە، هۆشداری داوەتە گرۆسی لە کۆبونەوەی هەفتەی داهاتودا هۆشداری بداتە وڵاتانی ئەوروپی سەبارەت بە هەر جۆرە هەوڵێکی سیاسی دژی ئێران.