وڵاتانی ئیسلامی و عەرەبی داوادەکەن شەڕی ئێران و ئیسرائیل رابگیرێت

 
20 دەوڵەتی عەرەبی و ئیسلامی داوای راگرتنی دەستبەجێی جەنگی ئێران و ئیسرائیل دەکەن رایدەگەیەنن تاکە چارەسەری قەیرانەکانی ناوچەکە رێگەی دیپلۆماسی و دیالۆگە. 
20 دەوڵەتی عەرەبی و ئیسلامی راگەیەندراوێکی هاوبەشیان لەبارەی گرژی و ئاڵوزییەکانی ناوچەکە و شەڕی ئێران و ئیسرائیلەوە بڵاوکردەوە و ئیدانەی هێرشەکانی سەر ئێران و پێشێلکردنی رێککەوتنە نێودەوڵەتیەکانیان کرد.
لە راگەیەندراوە هاوبەشەکەیاندا ئەو 20 دەوڵەتە پێشێلکردنی یاسا نێودەوڵەتییەکان و میساقی نەتەوەیەکگرتووەکان رەتدەکەنەوە و بەپێویستی دەزانن رێز لە یەکپارچەیی خاک و بنەماکانی دراوسێیەتی بگیرێت.
هەروەک نیگەرانیشیان دەربڕی لە هەڵکشانی ناکۆکییەکان بۆ ئاستی مەترسیدار کە سەربکێشێت بۆ نالەباری ئاساییش و ئۆقرەیی ناوچەکە و تەئیکد لە راگرتنی هێرشەکانی ئیسرائیل بۆ سەر ئێران دەکەنەوە.
هەر لەڕاگەیەنراوەکەدا داوا دەکەن، بەپەلە هێرش و هەڕەشە دوژمنکارییەکان رابگیرێن و نیگەرانییەکان بڕەوێندرێنەوە، بەجۆرێک بگاتە زەمینە ئارامی و هێوریی، جەختیشدەکەنەوە: تەنها چارەسەری کێشەکانی ناوچەکە لەڕێی دیپلۆماسی و دیالۆگەوە دەکرێت و نابێت ناکۆکییەکان بەڕێگەی سەربازیی چارەسەر بکرێن.