لەچوار رۆژدا 173 ئاگر لە هەرێم کەوتۆتەوە

لە پشووی جەژن دا 173 رووداوی ئاگر کەوتنەوە لە پارێزگا و ئیدارە سەربەخۆکانی هەرێمی کوردستان ڕوویانداوە و بەرگری شارستانی هەرێمیش ئاشکرای دەکات:" 158حاڵەتی ئاگر کەوتنەوەی پوش و پاوان هەبووە لەگەڵ سوتانی ئۆتۆمبێل و ماتۆڕسکیل".
 لە راگەیەندراوێکدا بەڕێوەبەرایەتیی گشتیی بەرگریی شارستانیی هەرێمی کوردستان ئاماری رووداوەکانی هەرێمی ئاشکراکرد و ڕایدەگەیەنێت:" لە ڕۆژانی جەژنی قورباندا 173 ڕوداوی ئاگرکەوتنەوە لە سەرتاسەری هەرێمی کوردستان ڕویداوە و ٨ ئۆتۆمبێل و ماتۆرسکیلێک سوتاون".
ئاماژەی بەوەشکردووە:" دوو هاوڵاتیش بونەتە قوربانی و خنکاون و كەسێكی دیكەش بە ڕوداوی هاتوچۆ گیانی لەدەستداوە".
 بەرگری شارستانی تەئکیدی دەکاتەوە پلانی کاری رۆژانی جەژن جێبەجێکراوە و بە پشت بەستن بەداتاکانیش دەڵێت:" لە ڕۆژانی جەژندا 173 ڕوداوی ئاگرکەوتنەوە لە سەرتاسەری هەرێمی کوردستان ڕویداوە، كە لە کۆی ڕوداوەکانی ئاگر 158 سوتانی پوش و پاوان هەیە".

بەپێی راگەیەندراوەكە، لە ڕۆژانی جەژندا :" دوو هاوڵاتی بونەتە قوربانی و خنکاون، هەروەها یەک ڕوداوی مردن لە ئیدارەی زاخۆ تۆمار کراوە کە لە ڕوداوی ئۆتۆمبێل گیانی لەدەستداوە، لەگەڵ ئەوەشدا هەشت ئۆتۆمبێل و ماتۆرسکیلێک سوتاون".