کەشناسیی هەرێم: نمەباران دەبارێت

کەشناسیی هەرێم رایدەگەیەنێت، ئەمڕۆ لە هەندێک ناوچە ئەگەری نمەبارن هەیە و پلەی گەرمی بەرزتردەبێتەوە.
بەڕێوەبەرایەتیی گشتیی کەشناسی و بومەلەرزەزانیی هەرێم بڵاویکردەوە، ئەمڕۆ ئاسمان ساماڵ و پەڵەهەور دەبێت، لەناوچە شاخاوییەکان نیمچەهەور دەبێت لەگەڵ ئەگەری نمەبارانێکی کەم لەکاتەکانی دواینیوەڕۆدا لەناوچە شاخاوییە سنوورییەکانی باکوور و باکووری رۆژهەڵات، پلەی گەرمی بەراورد بە تۆمارکراوەکانی دوێنێ کەمێک بەرزتردەبێتەوە.
دەشڵێت، سبەینێ پێنجشەممە ئاسمان ساماڵ و پەڵەهەور دەبێت، لەهەندێک ناوچەدا نیمچەهەور دەبێت، پلەی گەرمی بە نزیکەی 1 بۆ 2 پلە بەراورد بە تۆمارکراوەکانی ئەمڕۆ بەرزتردەبێتەوە.