سودانی بە زمانی کوردی پیرۆزبایی هاتنی نەورۆز دەکات

به‌بۆنه‌ی جه‌ژنی نه‌ورۆزه‌وه‌ سه‌رۆكوه‌زیرانی عێراق بە زمانی كوردی پیرۆزبایی هاتنەوەی جەژنی نەورۆز دەكات و دەڵێت: نه‌ورۆز ئه‌و رۆژه‌یه‌ كه‌ په‌یوه‌ندی خۆشه‌ویستی و چاره‌نوسی هاوبه‌ش و مێژوویه‌كی مه‌زنمان بیرده‌خاته‌وه‌.
محه‌مه‌د شیاع سودانی، سەرۆك وەزیرانی عێراق لە تۆڕی كۆمەڵایەتی (X)‌ به‌زمانی كوردی نوسیویه‌تی: به‌بۆنه‌ی هاتنه‌وه‌ی جه‌ژنی نه‌ورۆزه‌وه‌، گه‌رمترین پیرۆزبایی ئاڕاسته‌ی رۆڵه‌كانی گه‌لی عێراق به‌گشتی و گه‌لی كورد به‌تایبه‌تی ده‌كەم، خوای گه‌وره‌ به‌ خێر و خۆشی بیگێڕێت.
دەشڵێت: به‌هیوای به‌رده‌وامبوونی ئاسایش و سه‌قامگیری له‌ عێراقدا، كه‌ به‌هه‌وڵی هه‌مو پێكهاته‌كانی گه‌له‌ ته‌باكه‌ی به‌ره‌و سبه‌ینێیه‌كی گه‌شاوه‌تر ده‌ڕوات.
سەرۆك وەزیرانی عێراق، ئاماژەی بۆ ئەوەشكردوە، نه‌ورۆز ئه‌و ڕۆژه‌یه‌ كه‌ په‌یوه‌ندی خۆشه‌ویستی و چاره‌نووسی هاوبه‌ش و مێژوویه‌كی مه‌زنمان بیرده‌خاته‌وه‌، ئه‌مه‌ش هه‌مو عێراقییه‌كان له‌ سه‌رانسه‌ری وڵاته‌كه‌ماندا به‌یه‌كه‌وه‌ ده‌به‌ستێته‌وه‌.