عیراق رێگە بە کرێکارانی پێنج وڵات نادات بێنە ناوەوە بۆ کارکردن

وەزارەتی کاروباری کۆمەڵایەتی عێراق، بڕیاری قەدەغەی کارکردنی کرێکارانی پێنج وڵاتی دا.
وەزارەتی کاروکاروباری کۆمەڵایەتی عێراق بڵاویکردەوە، دەستیان بە جێبەجێکردنی بڕیارێکی ئەنجومەنی وەزیران کردووە کە تایبەتە بە دامەزراندنی (80%)ـی هێزی کاری نیشتمانی و دامەزراندنی تەنها (20٪)ـی هێزی کاری بیانی، لەو چوارچێوەیەشدا رێگری لە هاتنەناوەوەی کرێکارانی پێنج وڵات دەکەن بێنە عێراق و کاربکەن.
ئاماژەی بەوەشکردوە، لەهەمانکاتدا کارلەسەر پلاتفۆرمی (پیشە)ـی سەر بە وەزارەتی کار دەکەن بۆ دامەزراندنی کرێکارانی ناوخۆیی لە پرۆژەکاندا.
حەسەن خوام، وتەبێژی وەزارەتەکە دەڵێت: قەدەغەکردنی کارکردن کرێکارانی وڵاتانی سوریا، ئەندەنوسیا، پاکستان، بەنگلادیش و فلیپین دەگرێتەوە.