لیژنەیەکی پەرلەمان و تیمێکی وەزارەتی نەوتی عیراق لەبارەی هەناردەی نەوتی هەرێمەوە کۆدەبنەوە

لیژنەی نەوت و غازی پەرلەمانی عێراق، بۆ تاوتوێکردنی پرسی هەناردەکردنەوەی نەوتی هەرێمی کوردستان و بەربەستەکانی بەردەمی، میوانداریی بریکارێکی وەزارەتی نەوت و تیمی سەرپەرشتیاری جێبەجێکردنی هەمواری یاسای بودجە دەکات.
زورغام مالیکی، ئەندامی لیژنەی نەوت و گازی پەرلەمانی عێراق رایگەیاند، لەو کۆبوونەوەیەدا میوانداریی باسم محەممەد خزەیر، بریکاری وەزارەتی نەوت بۆ کاروباری دەرهێنان و تیمی تایبەتی وەزارەتەکە دەکرێت بۆ بەدواداچوونی جێبەجێکردنی هەمواری مادەی 12ـی یاسای بودجەی گشتی عێراق
وتیشی میوانداریکردنەکە بۆ هەناردەکردنەوەی نەوتی هەرێمی کوردستان و بەربەستەکانی بەردەمییەتی.
پەرلەمانی عێراق، رۆژی دووی شوباتی 2025، یەکەم هەمواری یاسای بودجەی سێ ساڵی عێراقی پەسەندکرد. هەموارەکە تایبەتە بە بەرهەمهێنان، گواستنەوە و رادەستکردنی نەوتی هەرێمی کوردستان و 16 دۆلاریشی وەک تێچووی بەرهەمهێنان و گواستنەوەی بەرمیلێک نەوت دیاریکردووە.