سودانی: بەم زووانە سەرجەم عیراقییەکانی کەمپی هۆل دەگەڕێنینەوە

سەرۆک وەزیرانی عێراق لەگەڵ ئەوەی جەخت لە گەڕاندنەوەی عێراقییەکانی کەمپی هۆلی ڕۆژاوای کوردستان دەکاتەوە و دەشڵێت: مەترسی لەسەر ئاسایشی ناوچەکە دروست دەکات.

محەممەد شیاع سوودانی، سەرۆک وەزیرانی عێراق ڕایگەیاند، پابەندن بە گەڕاندنەوەی عێراقییەکانی کەمپی هۆڵ و داواش لە هەموو وڵاتان دەکەین، هاووڵاتییەکانیان لە کەمپەکە ببەنەوە، چونکە مەترسیی لەسەر ئاسایشی ناوچەکە دروست دەکات.

راشیگەیاند، عێراق بەم زووانە بۆ هەمیشە کۆتایی بە دۆسییەی کەمپەکان دەهێنێت و هەموویان دادەخات.

کەمپی هۆل دەکەوێتە باشوری شاری حەسەکەی سوریا و خێزانەکانی چەکدارانی داعشی تێدا دەستبەسەرکراون‌ و لەژێر کۆنتڕۆڵ ‌و ئیدارەی هێزەکانی سوریای دیموکرات (هەسەدە)دان، ئەمساڵ خێزانی بە رەچەڵەک عێراقی کامپەکە گەڕێنراونەتەوە عێراق.