خالید شوانی: بڕیارماندا وارسی شەهیدان لەكرێی خزمەتگوزارییە دادییەكان ببەخشین

وەزیری دادی عیراق بۆ رێزگرتن لە قوربانیدانی وارسی شەهیدان و ساڵیادی قوربانیانی دەستی رژێمی بەعسی لەناوچوو،بڕیاری  لێخۆشبوونی لە كرێی خزمەتگوزارییە دادییەكان بۆ كەسوكاری شەهیدان دەركرد.

لەڕاگەیەندراوێكدا وەزارەتی دادی عیراق  بڵاویكردەوە:" د. خالید شوانی  وەزیری داد بڕیاریداوە  بەبەخشینی وارسی شەهیدانی پلە یەك لە قوربانییەكانی رژێمی لەناوچوو، لە كرێی خزمەتگوزارییە وەرگیراوەكان لە هەموو فەرمانگە دادییەكان لەوانەش، پێشمەرگە، هێزە چەكدارەكان، حەشدی شەعبی و قوربانییەكانی دەستی تیرۆر".

هەر لەڕاگەیەنراوەکەدا وەزیری داد ئاماژەی بۆ ئەوەشكردووە:"ئەو بڕیارە رێزگرتنە لە قوربانیدان و كەمكردنەوەی بارگرانی لەسەر خێزانەكانیان، هاوكات، تەئكیدی لەسەر پێویستی دابینكردنی ئاسانكارییە پێویستەكان بۆ جێبەجێكردنی ئەو بریارە كردووەتەوە".