فراکسیۆنی یەکێتی و سەرۆکوەزیران جەخت لەچارەسەری کێشەکان دەکەنەوە

وەفدێکی فراکسیۆنی یەکێتی لەئەنجومەنی نوێنەران لەگەڵ  سەرۆکوەزیرانی عیراق کۆبوونەوە و لە میانەی دیدارەکە گفتوگۆکرا لەسەر چەند پرسێکی هەنوکەیی و بەتایبەت لێکتێگەیشتنی ئەم دواییەی نێوان هەردوو حکومەتی هەرێم و فیدڕاڵ بۆ چارەسەرکردنی کێشەکانی پەیوەست بە نەوت و موچەی موچەخۆرانی هەرێم.
لەو بارەیەشەوە د.نەرمین مەعروف ئەندامی فراکسیۆنی یەکێتی لە ئەنجومەنی نوێنەران راگەیاندووە: "لەکۆبوونەوەکەدا  جەختکرایەوە لە گرنگی زمانی گفتوگۆ و دانوستان بۆ روبەڕوبوونەوەی کێشە و ئاڵنگارییەکان و پاراستنی مافی هەموو هاوولاتییانی عیراق لە چوارچێوەی یاساکان و دەستوری هەمیشەیی".
د.نەرمین مەعروف راشیگەیاندووە: "سەردانی وەفدی فراکسیۆنی یەکێتی بەمەبەستی گەیاندنی چەند داواکارییەکی پەیوەندیداربوو بە مافی هاووڵاتییان لە چین و توێژە جیاوازەکانی هەرێمی کوردستان و بە سوپاسەوە سەرۆک وەزیران رەزامەندی لەبارەیانەوە دەربڕی".