کۆبوونەوەکانى بافڵ جەلال تاڵەبانى لەگەڵ فایەق زیدان و سودانى بەو ئاڕاستەیەن کێشەى مووچە چارەسەربکرێت

شەوى ڕابردوو بافڵ جەلال تاڵەبانى سەرۆکى ى.ن.ک  گەیشتە بەغداو  لەگەڵ فایەق زێدان کۆبۆوەو و دواتر لەگەڵ  محەمەد شیاع سودانى بۆ پرسى مووچە کۆبوەوە.
کۆبوونەوەى یەکەم لە ماڵى فایەق زێدان بەڕێوەچوو کە نزیکەى نیو کاتژمێرى خایاندووە و دواتر کۆبوونەوەى نێوان بافڵ جەلال تاڵەبانى و محەمەد شیاع سودانی سەرۆکوەزیرانی عێراق سەبارەت بە پرسی مووچە دەستیپێکرد.
بەپێى زانیارییەکان، لە کۆبوونەوەکەدا فوئاد حسێن، وەزیرى دەرەوەى عێراق و جێگرى سەرۆکوەزیران بۆ کاروبارى ئابوورى بەشداربووە.
ئەم کۆبونەوانەش  دواى کۆبوونەوەى هاوبەشى نێوان پارتى دیموکراتى کوردستان و یەکێتیی نیشتمانیی کوردستان، لە پیرمام دێت کە کۆدەنگیەک هەبووە بافڵ جەلال تاڵەبانى سەردانى بەغداد بکات و رێگەچارەیەک بۆ کێشەکانى نێوان هەولێر و بەغداد بدۆزرێتەوە.
کۆبوونەوەکانى بافڵ جەلال تاڵەبانى لە بەغداد بەو ئاڕاستەیەن کێشەى مووچەى مووچەخۆرانى هەرێمى کوردستان چارەسەربکرێت و بڕیارى ناردنى مووچە بدرێت و دواتر هەردوو حکومەت هەنگاو بە ئاڕاستەى چارەسەرکردنى کێشەکان بنێن.