چوارچێوەی هاوئاهەنگی بۆ پشتیوانیی ئێران داوای خۆپیشاندان دەکات

چوارچێوەی هاوئاهەنگی بە ئامادەبوونی سەرۆکوەزیرانی عێراق کۆبووەوە و بەزاندنی ئاسمانی عیراقیان سەرکۆنە کرد و بۆ پشتیوانیی ئێرانیش داوای خۆپیشاندان دەکات.
دوێنێ شەو سەرکردەکانی چوارچێوەی هاوئاهەنگی بە ئامادەبوونی محەممەد شیاع سوودانی، سەرۆکوەزیرانی عێراق کۆبوونەوە و لە ڕاگەیێنراوێکدا ئاماژە بەوە دەکەن، سەرکۆنەی دەستدرێژییەکانی ئیسرائیل بۆ سەر ئێران دەکەن و داوا لە وڵاتانی ناوچەکە و کۆمەڵگەی نێودەوڵەتیی دەکەن دژی ئەم هێرشانە بوەستنەوە و ئیسرائیل ناچار بە ڕاگرتنی هێرشەکان بکەن.
هەر لەو کۆبوونەوەیەدا سەرکردەکانی چوارچێوەی هاوئاهەنگی بۆ سەرکۆنەکردنی هێرشەکانی ئیسرائیل و پشتیوانی خۆڕاگری و وەڵامدانەوەکانی ئێران بۆ هێرشەکان، داوای خۆپیشاندانیان کردووە و ڕەتیشیدەکەنەوە ئاسمانی عێراق بۆ هێرشکردنەسەر وڵاتانی دراوسێ بەکاربهێنرێت.