کەشناسیی عیراق پێشبینی دەکات لە هەرێمی کوردستان باران ببارێت

کەشناسیی عێراق پێشبینی دەکات لەم هەفتەیەدا باران ببارێت و پلەی گەرماش زیاتر بەرزببێتەوە و ئەگەری خۆڵبارین هەیە.
بەگوێرەی پێشبینیی کەشناسیی عێراق، ئەمڕۆ کەشێکی هاوینەی گەرم شارەکانی عێراق گرتووتەوە و ئەگەری هەیە ئێوارە لە ناوچەکانی هەرێمی کوردستان، بەدیاریکراوی باکووری هەولێر و سلێمانی و دهۆک باران ببارێت، لە ناوچەکانی ناوەڕاست و باشووری رۆژهەڵاتی عێراقیش ئەگەری خۆڵبارین هەیە.
سەبارەت بە سبەینێ کەشناسی دەڵێت بەگشتی ئاسمان ساماڵ دەبێت و هەندێک شوێن نیمچەهەور دەبێت، لە ناوچە شاخاوییەکانی هەرێمی کوردستانیش ئەگەری هەیە باران ببارێت، پلەی گەرمای سبەینێیش هاوشێوەی ئەمڕۆ دەبێت.
رۆژانی چوارشەممە و پێنجشەممە و هەینیش، ئاسمان بەگشتی ساماڵ دەبێت و پلەی گەرما زیاتر بەرز دەبێتەوە.