شەپۆلێکی خۆڵبارین عیراق و هەرێمی كوردستانی گرتۆتەوە

شەپۆلێکی خۆڵبارین عیراق و هەرێمی كوردستانی گرتوەتەوەو سبەینێش چڕتر دەبێتەوە.
دەستەی كەشناسی عیراق رایگەیاند: لە دوێنێوە شەپۆلێكی خۆڵبارین زۆربەی پارێزگاكانی عیراق و هەرێمی گرتووەتەوەو تا درەنگانێكی سبەینێ بەردەوام دەبێت.
دەشڵێت:  هاتنی بارستە هەوایەكی پلەی گەرمی مامناوەند لە باكووری رۆژئاوای وڵاتەوە، بووەتەهۆی دروستبوونی خۆڵبارین و ئەگەری نمەبارانیش هەیە لەمڕۆدا.
هەروەها داوای لە هاوڵاتیان كردووە خۆیان بەدوور بگرن لە هاتنە دەرەوەی ناپێویست بەتایبەت ئەوانەی نەخۆشی رەبۆ و هەناسە توندیان لەگەڵدایە، چونكە كاریگەری شەپۆلەكە لە سەعاتەكانی داهاتوودا زیاتر دەبێت.
ئاشکرایشیدەکات، دۆخی گشتی كەشوهەوا لە سەرتاسەری وڵات لەدوای ئەم مانگەوە ئاسایی دەبێتەوەو شەپۆلی خۆڵبارین كەم دەبێتەوە