دیلان غەفور: راکان جبووری بەهۆی گەندەڵییەوە لە بەغداد دەستگیر کرا

دیلان غەفوور: راکان جبووری بە پێی ماددەی 340ی سزادانی عیراقی دەستگیراوە

راکان جبووری بەهۆی گەندەڵییەوە دەستگیرکرا و لێکۆڵینەوەی لەگەڵ دەکرێت بەپێی یاساش رەنگە تا 7 ساڵ زیندانی بکرێت.
راکان جبووری پارێزگاری بە وەکالەتی پێشووی کەرکوک، لە بەغداد بەهۆی بە هەدەردانی سامانی گشتییەوە دەستگیر کرا، دیلان غەفوور نوێنەری کەرکوک لە ئەنجوومەنی نوێنەرانی عیراق، هەواڵەکەی بۆ کەناڵی کەرکوک پشتڕاستکردەوە و وتی، راکان جبووری بە پێی ماددەی 340ی یاسای سزادانی عیراقی دەستگیر کراوە.
وتیشی پێشتر سکاڵامان لەسەر گەندەڵەییەکانی پارێزگاری پێشووی بە وەکالەتی کەرکوک کردووە و بە دواداچوونیشمان بۆ ئەنجامەکەی کردووە.
ماددەی 340ی یاسای سزادانی عیراقی بۆ ئەو کەسانەیە کە پۆستەکانیان بۆ بەهەدەردانی سامانی گشتیی و بەرژەوەندی تایبەت و گەندەڵی بەکارهێناوە.  بەپێی ماددەکە کەسی تۆمەتبار تا 7 ساڵ زیندانی دەکرێت.