پێشنیاز بۆ بایدن ده‌كرێت ڕاسته‌وخۆ كار له‌گه‌ڵ هه‌رێمی كوردستان بكات

ژووری بازرگانیی ئەمریکا و ئەنجوومەنی بازرگانیی ئەمریکا - عێراق، له‌باره‌ی گازی سروشتیی هه‌رێمی كوردستانه‌وه‌ پێشنیازێك بۆ سه‌رۆكی ئه‌مریكا ده‌كات و داوای كاركردن له‌گه‌ڵ حكومه‌تی هه‌رێم ده‌كات.

‌ ‌ژووری بازرگانیی ئەمریکا و ئەنجوومەنی بازرگانیی ئەمریکا - عێراق، پێشنیازیان بۆ ئیداره‌ی جۆ بایدن كردوه‌ به‌شێوه‌ی ڕاسته‌وخۆ كار له‌گه‌ڵ حكومه‌ته‌كانی عێراق و هه‌رێمی كوردستان بكات له‌باره‌ی غازی سروشتییه‌وه‌.

ئه‌مه‌ له‌كاتێكدایه‌، بڕیاره‌ لەمانگی نیسان دیالۆگی ستراتیژی ئه‌مریكا و عێراق ده‌ستپێبكات، ئه‌مریكا له‌ به‌رنامه‌یدایه‌ هاوكاری دارایی و ئابووری بكات، به‌ مه‌رجێك چاکسازیی سیستەمی بانکی لەخۆ بگرێت، بۆ هاوكریكردنی وڵاته‌كه‌ لە تێپەراندنی دۆخی کۆرۆنا و دەستپێکردنی دیالۆگی تەندروست.

ئه‌مریكا ده‌یه‌وێت عێراق له‌پرسی گازی سروشتی پشت به‌خۆی ببیه‌ستێت و چیتر گاز له‌ ئێران نه‌كڕێت، بۆئه‌و مه‌به‌سته‌ش ده‌یه‌وێت په‌ره‌ به‌ گازی سروشتی هه‌رێم بدرێت.