سه‌رۆكايه‌تيى هه‌رێمى كوردستان سەرکۆنەی هێرشەکانی ئیسرائیل بۆ سەر ئێران دەکات

سه‌رۆكایه‌تیی هه‌رێمی كوردستان لە راگەیەنداوێکدا، سەرکۆنەی هێرشەکانی ئیسرائیل بۆ سەر ئێران دەکات و رایدەگەیەنێت:سه‌ركۆنه‌ی هێرشه‌كه‌ی ئیسرائیل بۆ سه‌ر كۆماری ئیسلامیی ئێران و به‌كارهێنانی هێزی سه‌ربازی له‌ یه‌كلاكردنه‌وه‌ی ناكۆكییه‌كاندا ده‌كه‌ین.
 ئاماژەی بەوەشکردوە: ئه‌م پێشهاتانه‌ ئارامی و سه‌قامگیریی ناوچه‌كه‌ ئاڵۆزتر ده‌كه‌ن و ده‌بنه‌ هه‌ڕه‌شه‌ له‌ سه‌ر ئاسایش و سه‌قامگیریی ناوچه‌یی و نێوده‌وڵه‌تی.
هەر لە راگەیەندراوەکەی سەرۆکایەتنی هەرێمدا هاتووە:  ڕووبه‌ڕووبوونه‌وه‌ و ڕێكاری سه‌ربازی، ڕه‌وشه‌كه‌ خراپتر ده‌كات. له‌م كاته‌‌ هه‌ستیاره‌دا، ئه‌ركی كۆمه‌ڵگه‌ی نێوده‌وڵه‌تییه‌ كه‌ كاردانه‌وه‌ی خێرا و به‌په‌له‌ی هه‌بێت و كار بۆ ئه‌وه‌ بكات ئاڵۆزی و پشێوییه‌كان له‌وه‌ زیاتر په‌ره‌ نه‌ستێنن و تا زووتره‌ ڕێ له‌ ته‌شه‌نه‌سه‌ندنی زیاتری دۆخه‌كه‌ بگیرێت.