پارێزگاری کەرکوک پشتیوانیی له‌ هونه‌رمه‌ندان دووپاتده‌كاته‌وه‌

رێبوار تەها پارێزگاری کەرکوک، پێشوازیی لە هونەرمەند محەمەد رەئوف کەرکوکی كردو پشتوانیی بۆ هونه‌رو هونه‌رمه‌ندان دووپاتكرده‌وه‌.
نوسینگەی راگەیاندنی پارێزگاری كه‌ركوك ئاماژه‌ی بۆئه‌وه‌كردووه‌ :"لە دیدارێکدا کە هیدایەت تاهیر راوێژکاری پارێزگار و سۆران داودی بەڕێوەبەری کەناڵی کەرکوک ئامادەی بوون، رەوتی هونەر لە کەرکوک تاوتوێکرا، پارێزگاری کەرکوک ئاماژەی بۆئەوەكردووه‌ كە كەركوك شارێکی دەوڵەمەندە لە رووی هونەرییەوە و خاوەنی چەندین هونەرمەندی بەتوانایە كە لە بوارە جیاجیاکانی هونەردا شاکاریان تۆمارکردوە"

باسی له‌وه‌شكردووه‌ كه‌:"پارێزگاری كه‌ركوك ئامادەیی خۆی نیشانداوه‌ بۆ پشتیوانیکردنی هونەرو هونەرمەندان."