وه‌فدی فراكسیۆنه‌ كوردستانییه‌كان بۆ چاره‌سه‌ری گرفته‌كان سه‌ردانی خانه‌قین ده‌كات

لەسەر داوای مەڵبەندی یەكێتی لە خانەقین، وەفدێكی باڵای فراكسیۆنە كوردستانییەكانی ئەنجومەنی نوێنەران سەردانی خانەقین دەكات و بەشێك لە كێشە و گرفتەكانی خانەقین و دەوروبەریشی کە  بریتین لە نەبوونی پێداویستی خزمەتگوزاری و ئەو كێشانەی لە بازگەكان بۆ ئەو بارهەڵگرانە دروستدەكرێن كە لە خاڵە سنوورییەكانی هەرێمی كوردستانەوە بار بۆ خانەقین دەگوازنەوە.

بەپێی زانیارییەکان وەفدەكە لەگەڵ لایەنە پەیوەندیدارەكانی خانەقین و دامودەزگاكانی حكومەت كۆدەبێتەوە، بۆ ئەوەی لە نزیكەوە ئاگاداری گرفتەكانی پارێزگاكە و دەروروبەری بێت و لەگەڵ حكومەتی فیدراڵ چارەسەریان بۆ بدۆزینەوە.