هێزەکانی بەڕێوەبەرایەتی گشتی دژەتیرۆر بۆ لەناوبردنی پاشماوەی گرووپە تیرۆرستییەکان، هەڵمەتێکی کێوماڵکردنی لە سنووری ناحیەی ناوشوان سەر بە پارێزگای کەرکوک ئەنجامدا و هەموو ئەو ناوچانەیان لە مەترسیی پاشماوەی گرووپە تیرۆرستییەکان پاککردەوە.
بەڕێوەبەرایەتی گشتی دژەتیرۆر لە راگەیەندراوێکیدا، ئاماژە بەوە دەکات:" لە درێژەی هەوڵ و چالاکییەکانی هێزەکانی بەڕێوەبەرایەتی گشتی دژەتیرۆر بۆ دۆزینەوە و لەناوبردنی پاشماوەی گرووپە تیرۆرستییەکان، هەڵمەتێکی کێوماڵکردنی لە سنووری ناحیەی ناوشوان سەر بە پارێزگای کەرکوک ئەنجامدا".
راشیگەیاندووە:" ئەو ئامانجانەی کە بەپێی زانیارییە هەواڵگرییەکان دیاریکرابوون پاککرانەوە لە مەترسیی پاشماوەی گرووپە تیرۆرستییەکان".
بەڕێوەبەرایەتی گشتی دژەتیرۆر لە کۆتایشدا رایگەیاندووە " لە ئەرکەکانی بەردەوام دەبێت بۆ پاراستنی سەر و ماڵ و گیانی هاووڵاتیان و هیچ شوێنێک ناهێڵێتەوە بۆ ئەو گرووپانە تا خۆیانی تێدا حەشار بدەن".
Copyright © 2020 Kirkuk Tv All Rights Reserved Designed And Developed By AVESTA GROUP