جومانە غەلای، وتەبێژی کۆمسیۆنی باڵای سەربەخۆی هەڵبژاردنەکانی عیراق رایگەیاند: تۆمارکردنی پارت و هاوپەیمانیەتییەکان درێژ ناکرێتەوە و ئەمڕۆ کۆتایی دێت .
ئاماژەی بەوەشکرد: دەبێت هاوپەیمانێتی لە دو پارت زیاتر بێت ئەگەر نا ڕەت دەکرێتەوە و تا ئێستاش 339 پارت و لایەنی سیاسی لە کۆمسیۆن تۆمارکراون.
ئەوەشیخستەڕو: دەنگدەر لە هەموو پارێزگا و شوێنێک دەتوانێت تۆماری دەنگدانی نوێ بکاتەوە و تا ئێستاش نزیکەی دوو ملیۆن دەنگدەر تۆماریان نوێکردووەتەوە.
وتەبێژی کۆمسیۆنی باڵای سەربەخۆی هەڵبژاردنەکانی عیراق باسیلەوەشکرد: نزیکەی 19 ملیۆن کەس لە عیراق کارتی بایۆمەتریان هەیە و ئەو کەسانەشی کارتی بایۆمەتری نوێیان هەیە پێویستیان بە نوێکردنەوەی کارتەکە نیە.
Copyright © 2020 Kirkuk Tv All Rights Reserved Designed And Developed By AVESTA GROUP