ئیدارەی کەرکوک و لیژنەی پەروەردە هەڵسەنگاندنی بۆ ژمارەی مامۆستایانی خۆبەخش کرد

ئیدارەی کەرکوک کۆبونەوەیەکی لیژنەی پەروەردەی بۆ هەڵسەنگاندنی ژمارەی مامۆستایانی پارێزگای کەرکوک ئەنجامدا .

لە جێبەجێکردنی بەرنامەی حکومەت و لەسەر ڕاسپاردەی بەڕێز ڕێبوار تەها پارێزگاری کەرکوک و بە سەرپەرشتی ڕاوێژکاری پارێزگار بۆ کاروباری پەروەردە دکتۆر فەلاح عەزی لیژنەی پەروەردەی تایبەت کە ئەرکی هەڵسەنگاندنی ژمارەی مامۆستایانی خۆبەخش و مامۆستایانی گرێبەست و پاسەوانانی خۆبەخشە کۆبوونەوەیەکی ئەنجامدا.

لەم کۆبوونەوەیەدا ڕێککەوتن لەسەر پێکهێنانی لیژنە لەسەرجەم قەزا و ناحییەکانی پارێزگای کەرکوک ئەم لیژنانە لەماوەی چەند ڕۆژی داهاتوودا دەست بەکارەکانیان دەکەن و بەشێوەیەکی ورد و بێلایەنانە ئەنجامی هەڵسەنگاندنەکە پێشکەش دەکەن بەگوێرەی ئەو پەیڕەو و ڕێنماییانەی کە مافی هەمووان گەرەنتی دەکەن.