وەک ئامادەکارییەک بۆ جەژنی قوربان، رێبوار تەها
پارێزگاری کەرکوک بەشی بەرهەمە نەوتییەکانی بۆ درێژکردنەوەی کاتی دەوامی
بەنزینخانەکان ڕاسپارد.
ئەندازیار عەلی محەمەد ڕەبیع، بەڕێوەبەری لقی
کەرکوکی کۆمپانیای دابەشکردنی بەرهەمە نەوتییەکان رایگەیاند: بڕیارمانداوە کاتی
دەوام لە وێستگە حکومییەکان تا نیوەی شەو درێژبکەینەوە و لە رۆژانی جەژندا وێستگەکان
تا سەعات 11ـى شەو کاردەکەن تا لە ڕۆژانی جەژندا بەنزین بۆ هاوڵاتییان دەستەبەر
بکەین.
وتیشی: بڕیارمانداوە وێستگەکانی "عقبە بن
نافع" و "شەرقیە" 24 سەعاتی بەردەوام کار بکەن و بێ بچڕان سووتەمەنی
بۆ شۆفێران دابین بکەن.
پارێزگاری کەرکوک جەختی لە گرنگی ئەو ڕێوشوێنانە
کردەوە بۆ دڵنیابوون لە دابەشکردنی سووتەمەنی بە ئاسانی و پێشکەشکردنی خزمەتگوزاری
بە هاووڵاتیان لە جەژنی قورباندا.
Copyright © 2020 Kirkuk Tv All Rights Reserved Designed And Developed By AVESTA GROUP