پرسیار نەمرە

 

بەڕای من پرسیاری (یەکێتیی نیشتمانیی کوردستان بۆچی ؟) کە سەرۆک مام جەلال لە نامیلکە بە ناوبانگەکەی خۆیدا  کردی ،  پرسیارێکی نەمر و جاویدانە، بەڵام وەڵامەکەی هەمیشە نوێیە و بە گوێرەی سەردەمەکان دەگۆڕێت  .
(بۆچی ؟ ) پرسیاری ئەو کاتەیە کە جەدوا و پێویستی دروستبوونی یەکێتیی روون دەکاتەوە. جا ئیتر کە خەبات پێش دەکەوێت و یەکێتیی و کوردستان گەشە دەکەن قۆناغەکانی تر وەڵامی تریان  ویستووە. پەنجا ساڵە تێکۆشەرانی یەکێتیی وەڵامی تازەی ئەم پرسیارە نەمرە دەدەنەوە. 
هەر وەختێک وەڵامەکە کورتی هێنابێت یەکێتیی پاشەکشە و پیکوتەی کردووە، هەر وەختێک پڕ بە پێستی قۆناغە  بووبێت گەشە و نەشەی کردووە.
قۆناغی پەنجا ساڵە ، لەسەردەمی هەڤاڵ بافڵ جەلال تاڵەبانی سەرۆکی یەکێتیی نیشتمانیی کوردستاندا ، هەمان پرسیاری دێرین، نەمر و نە گۆڕی هەیە، بەڵام گرەو لەسەر وەڵامەکەیە .. 
وەڵامەکە  هەر دەبێ هی سەردەمەکە بێ ، نوێباو و گۆڕاو بێت. واتا هەر وەکو کەرکوکی  ئەیڵێن؛ تازە و جدید( طازج و جديد)بێت