بافڵ جەلال تاڵەبانی... سەرکردەیەک نەخشەڕێی دادەڕێژێت و متمانە دەبەخشێتە لایەنگرانی

 دوا دیدار کە سەرۆک بافڵ جەلال تاڵەبانی ئەنجامی دا، تەنها گفتوگۆیەکی ئاسایی یان ده‌ركه‌وتنێكی ميديايی نەبوو، بەڵکو نەخشەڕێیەکی نوێ بوو بۆ کاری سیاسی و حیزبیايه‌تی نەک تەنها لە ناو یەکێتی نیشتیمانی کوردستان، بەڵکو لە ئاستی بزووتنەوەی سیاسی کوردی بە گشتی. سەرۆک بافڵ قاڵبە کۆنەکانی شکاند و نەریتە کۆنەکانی تێپەڕاند کە بۆ ماوەیەکی درێژ پەرەسەندنی ژیانی حیزبییان بەستبوو، تا بانگەشەي بۆ قۆناغێکی نوێ بكات کە بنەماکەی شەفافیەت و بەشداری و نوێکردنەوەی بیری سیاسییە.

سەرۆک بافڵ لە ماوەی دیدارەکەدا تێگەیشتنێکی قووڵی بۆ ئەو قۆناغە خسته‌ روو کە کوردستان و ناوچەکە پێیدا تێدەپەڕن وله‌ وه‌ڵامه‌كانيدا ڕاستگۆو ڕوون و وردبین بوو , ئەو وەک كه‌سێكي تاکڕەو یان سەرکردەیەک کە بڕیار قۆرغ دەکات قسەی نەکرد، بەڵکو هەمیشە جەختی لەوە دەکردەوە کە ئەو تاکێکە لە سیستەمێکی حیزبی تەواو کە ڕێز لە دامەزراوەکانی حیزب دەگرێت و ڕۆڵی هاوڕێکانی لە سەرکردایەتی بەرز دەنرخێنێت. ئەم لاوازی نيشان نادات بەڵکو سەرچاوەی هێز بوو کە متمانەی لایەنگرانی پتەوتر کرد کە ئەوان بەدوای سەرکردەیەکی ڕاستەقینەدا دەڕۆن، دەزانێت بەرەو کوێ دەڕوات، چۆن و لەگەڵ کێ.

ئەوەی لە قسەکانی سەرۆکدا سەرنجڕاکێش بوو، تەنها ناوەڕۆکی سیاسی نەبوو، بەڵکو شێواز و ستایلی خودي خۆي بوو. ئەو وەک نزیکترین کەس لە هاووڵاتی ئاسایی دەردەکەوت، بە زمانی خەڵک قسەی دەکرد، بە ئاماژەی ڕاستگۆیانە و دوور لە دەستکرد، لەگەڵ ئەوەشدا قسەکانی قووڵیي و شیکارییەکی وردی بۆ قەیرانە ناوخۆیی هەرێمی و نێودەوڵەتییەکان هەڵگرتبوو، کە لە چوارچێوەی ڕاستەقینەی خۆیانی دانابوون، و چارەسەری پراکتیکی سادەی پێشکەش دەکرد، دوور لە دروشمی زەنگدار و بەڵێنی باو.

یەکێک لە دیارترین خاڵەکان کە سەرۆک بافڵ جەلال تاڵەبانی جەختی لەسەر کردەوە گرنگی یەکخستنی هەڵوێستەکان لە نێوان حیزبە کوردییەکان بوو، بە تایبەتی یەکێتی نیشتیمانی کوردستان و پارتی دیموکراتی کوردستان. ئەو دان بەوەدا دەنێت کە جیاوازی لە دیدگای بیری و سیاسی لە نێوان هەردوو حیزبدا هەیە، بەڵام بانگەشەی بۆ کاری هاوبەش کرد لە پرسە چارەنووسسازەکاندا، بەرژەوەندی گەل لە سەرووی حیسابی تەسکی حیزبی دادەنێت. ئەم پەیامە ڕوونە لە ناوەڕۆکدا بانگەوازێکی بۆ دووربيني وعەقڵ پێبوو هه‌روه‌ها بەرپرسیارێتییەکی سیاسی گەورەي له‌ خۆ گرتبوو كه‌ جیاوازییەکان تێپەڕ ده‌كات..

سەرۆک بافڵ گه‌نجاني لە بیر نەکرد، بەڵکو لە ديدي ئه‌ودا گه‌نجان ناوەندی پڕۆژەی سیاسی داهاتوو پێكده‌هێنن , باوەڕی بە ڕۆڵی گەنجان و پێگەیان لە دروستکردنی سبەینێدا هەیە، بانگەشە بۆ تواناسازیان و پێدانی ئەو بوارەێكي شايسته‌ لە دروستکردنی بڕیار و داهاتوودا .

لە کاتێکدا گۆڕەپانی سیاسی پڕە لە دەنگی جیاواز و دروشمی بەتاڵ، دیداری سەرۆک بافڵ جەلال تاڵەبانی تواني نموونەیەکی جیاواز لە سەرکردەی سیاسی كلاسيكي پێشکەش بکات؛ سەرکردەیەک کە خاوەنی دیدگایە، بە ڕاشکاوی قسە دەکات، هێزی خۆی پیشان نادات بەڵکو متمانە ده‌به‌خشێته‌ هه‌موان و هه‌موو بەڵێنێك نادات تەنها ئوانه‌ي کە دەکرێت بەدی بهێنرێت. لە دیداری دواییدا پەیامی دڵنیایی بۆ هەموان نارد كه‌ تێيدا به‌ ئلشكرا جه‌خت ده‌كاته‌وه‌ یەکێتی نیشتیمانی کوردستان قیبلەنمایەکی ڕوونی هەیە و سەرکردەیەک کە ڕێگاکە به‌ره‌و كوێ ده‌روات