لەکۆی 15 شاری جیهان 11 شاری عیراق گەرمترینی جیهانن

بەپێی راپۆرتێک لە ماوەی 24 سەعاتی رابردوودا لە کۆی 15 گەرمترین شاری جیهان 11 شاریان لە عێراق بوون.

بەپێی راپۆرتەکە، لە ماوەی 24 سەعاتی رابردوودا بەسرە گەرمترین شاری جیهان بووە و پلەی گەرمی تێیدا گەیشتووەتە سەرووی ٤٩ پلەی سیلیزی.

هەر بەگوێرەی راپۆرتەکە، شارەکانی ناسریە، عەممارە و خانەقین پلەکانی سێیەم و چوارەم و پێنجەمیان لە گەرمترین شارەکانی جیهان گرتووە.

نەجەف، بەدرە، کوت، کەربەلا و ریفاعیش پلەکانی دیکەی گەرمترین شارەکانی جیهانیان گرتووە .

ئەمەش لەکاتێکدایە، دەستەی کەشناسیی عێراق پێشبینی بەرزبوونەوەی زیاتری پلەکانی گەرما دەکات، و دەڵێت: سبەی لە سێ پارێزگای عێراق پلەی گەرما دەگاتە ٥٠ پلەی سیلیزی کە نیوەی پلەی کوڵانە .